نئی دہلی،لکھنؤ،19/ اگست(ایس او نیوز؍ایجنسی) افغانستان پر طالبان کے قبضے کے بعد پوری دنیا میں ہلچل ہے- ساتھ ہی چین پاکستان اور روس نے طالبان کی حمایت کی ہے- اب ہندوستان میں آل انڈیا مسلم پرسنل لاء بورڈ کے سابق ترجمان مولانا سجاد نعمانی نے بھی طالبان کی حمایت میں بیان دیا ہے- آل انڈیا مسلم پرسنل لاء بورڈ کے سابق ترجمان سجاد نعمانی نے کہا کہ میں طالبان کو سلام پیش کرتا ہوں - طالبان نے پوری دنیا کی مضبوط ترین طاقتوں کو شکست دی- ان نوجوانوں نے کابل کی زمین کو چوما اور اللہ کا شکر ادا کیا-مولانا سجاد نعمانی نے کہا کہ ایک بار پھر یہ تاریخ رقم ہو گئی ہے- ایک غیر مسلح قوم نے سب سے مضبوط افواج کو شکست دی ہے- وہ کابل کے محل میں داخل ہوئے- پوری دنیا نے ان کے داخلے کا اندازہ دیکھا- ان میں کوئی غرور یا تکبر نہیں تھا- کوئی بڑے الفاظ نہیں تھے- مبارک ہو- دور بیٹھا یہ ہندوستانی مسلمان آپ کو سلام کرتا ہے- آپ کی ہمت - حوصلے کو سلام پیش کرتا ہے- آپ کے جذبے کو سلام کرتا ہے-